Urdaibain (Bizkaia) eraiki asmo duten Guggenheim museoaren kontra direnek beste salaketa bide bati ekin diote: sinadura bilketa bat abiatu dute. Zehazki, SEO-Birdlife erakundeak eta Guggenheim UrdaibaiStop herri plataformak sortu dute ekinbidea. Haren bitartez, Salomon R. Guggenheim fundazioari eskatuko diote bertan behera utzdezala proiektua, eta, hala, "uko egin diezaiola Urdaibaiko biosfera erreserbaren suntsiketari", sustatzaileek zehaztu dutenez.

Azaldu dutenez, sinadura bilketa nazioartekoa da. Euskal Herriko mugez kanpoko sinadurak erejaso nahi dituzte. Izatez, helburua da 1.300.000 biltzea osotara. Kopurua ez dute ausaz aukeratu, gainera: Bilboko Guggenheim museoak urtero jasotzen duen bisitari kopurua da hori, hain justu ere. Esteka honetan parte har daiteke.

Egitasmoaren berri emateko plazaratutako oharrean, Urdaibaiko Guggenheimen kontrako plataformek tinko kritikatu dute museoaren proiektua, beste behin. Esaterako, prozesuari dagokionez, salatu dute instituzioek ez dietelaaditu herritarrei, haien iritziak ez direla aintzat hartu. Bestalde, museoa eraikitzeak Urdaibaiko biosfera erreserbari zer-nolako kaltea eginen liokeennabarmendu dute, irmo. Are, aldarrikatu dute erreserba "berez" dela museo bat, "dibertsitate biologikoz, kulturaz eta historiaz betea". Hori hala, nabarmendu dute museoa eraikitzeak kalte larri eta itzulezinak eraginen lituzkeela, "turismoak dagoeneko gainezka egin duen eskualde batean".

Salatu dutenez, bai Bizkaiko Foru Aldundiak eta baita Espainiako Gobernuak ere "behin eta berriz" ahaztu dute zona hori babestu behar dela. Horregatik, sinadura bilketa abiatu dutenek instituzio horiei eskatu diete men egiteko Europako araudiari eta "alternatibak bilatzeko", tokiko biztanleei parte hartzeko modua emanezhorretarako.