2022ko urriaren 14ko auziak Just Stop Oil-eko bi ekintzaileak zigortu zituen, Londresko National Gallery-n gordetako Van Gogh-en Ekiloreak serie ospetsuko margolana zipriztindu izana egotzita. Justizia britainiarrak espetxe betera zigortu zituen bi hondatzaileak 2024ko irailaren 27an. Phoebe Plummer-ek (23 urtekoa), bi urte beteko ditu kartzelan eta Anna Holland-ek (22 urtekoa), hogei hilabete. Phoebe Plummer-i jada 3 hilabeteko kartzela-zigorra eman zioten 2023ko azaroan, eremu publikoan andeatzeak egiteagatik.

"Saldak berina zeharka zezakeen", adierazi zuen Christopher Hehir, kasua daraman epaileak. "Zenbait pertsonek halako delituak errepikatzen badituzte, Epaitegiak mezua helarazi behar du (...) onartezina dela erakusteko, eta errateko horrek ezin duela segitu", azaldu zuen Quentin Hunt Eco-activists telebista kateko legelariak.

Ekintza burutu denean, berinaz babestua den margolanak ez du inolako kalterik pairatu. Haatik, tomate-jusak, urre koloreko koadroa hondatu zuen eta 10 000 libera esterlinako konponketa gastuak eragin. BBC-ren arabera, museoak 28 000 libera esterlina erosi zuen koadroa 1999an.

Bi militanteak 2022ko urrian auziperatuak izan ziren. Just Stop Oil taldeak Erresuma Batuan hidrokarburoen ustiatzea gelditzeko eskatuz egindako ekintza-kateko katebegietako bat zen burutu zutena. Aske utzi zituzten, baina, museora berriz ez sartzeko baldintzapean.

Greenpeace taldeak justiziaren erabakia gaitzetsi eta gobernu britainiarrak militanteak estigmatizatu izana salatu du. "Koadro bati kalte arinak eta margolanari batere kalterik eragin ez dion ekintza batentzako zigor zurruna eta neurriz kanpokoa da. Gobernu horrek ekintza baketsuak zapaltzeko duen joeran urrats ilun bat gehiago da", salatu du Will McCallum Greenpeace UK-ko zuzendariorde exekutiboak.

2024ko uztailean, Christopher Hehir epaileak Just Stop Oil-eko buruzagia eta lau militante ekologista 5 urteko presondegira zigortu zituen, 2022an Londresko ingurabidearen blokeoa antolatzea leporatuta. Lora Johnson (38 urte), ordea, 2024ko maiatzaren 14an zuriturik gelditu zen Scotland Yard-eko seinale batean margo laranja botatzeagatik, Just Stop Oil-ek argitaratutako oharrean irakur daitekeenez.

Bi militanteen zigorraren berri ukan eta ordu gutxira, Just Stop Oil-eko beste hiru ekintzailek National Gallery-ko Van Gogh-en bi Ekilore zipriztindu dituzte.