Tabakalerak Rotterdamgo Nazioarteko Zinemaldian (IFFR) parte hartuko du Dea Kulumbegashvili zinema zuzendari georgiarraren pieza artistiko batekin. Tabakalera IFFRn egotea bi erakundeen arteko elkarlanaren emaitza da, eta Dasatskisi/Beginning (2020) filmarengatik eta Donostia Zinemaldiko beste hiru sari nagusirengatik Urrezko Maskorra irabazi zuen zuzendariak bere Captives lana Rotterdamgo Zinemaldiko Art Directions programan aurkeztea ahalbidetuko du. Programa horrek urtero biltzen du zinemaldiarekin batera egiten diren instalazio artistikoen, emanaldien eta erakusketen programa.

Tabakaleraren eta IFFRren arteko lankidetzari esker, Kulumbegashvili hiru urteren ondotik itzuliko da bere opera prima estreinatu zuen zinemaldira, baina oraingoan ez du film batekin egingo, baizik eta artistak Tabakalerak eta Amsterdamgo Eye Film Museumek elkarrekin, eta Donostia Zinemaldiarekin elkarlanean, ekoitzitako Vive le Cinéma! erakusketan sortutako eta aurkeztutako bere lehen instalazioarekin.

Captives ikus-entzunezko instalazio inmertsibo gisa diseinatuta dago, ikus-entzuleak pantailako pertsonaia baten espazioan intimoan, sartzera gonbidatzen dituena, eta Rotterdamgo WORM kultur zentroan erakutsiko da urtarrilaren 25etik aurrera, 2023ko IFFR jaialdiaren inaugurazioarekin bat eginez.