Uharte Zentroa artista eta eragile ezberdinen arteko lan eta elkarbizitzarako gunea da, non ikerketa, sorkuntza eta prozesu artistikoez gain bestelako loturak ere partekatzen dituzten. Estudio Irekiaklanean ari diren artisten proiektuen garapenera hurbiltzeko aukera bat dira.Ate irekien hiru egunetan zehar, ekoizpen artistikoaren prozesuak eta jakintzaren banaketa eta sorkuntza kolektiboki pentsatzeko diseinatutako programazioa eskaintzen da. Mentorien, tailerren eta bisiten bidez, Uharte Zentroko biztanleek egun horietan beste eragile gonbidatu eta parte-hartzaile batzuekin harremanetan jarri ahal izatea bilatzen da.

Estudio irekiak

Hona hemen artisten zerrenda: Eduardo Hodgson, Txubi mixMedia, Isabel Llanos, Belén Arévalo, Elisa Arteta, Gina Madariaga, Elvira Ongil, Sara, David Pérez Jiménez, Julián Pacomio, Nahciendo Nada, Maider Garayo Urabayen, Maddi Barber, Giulia Testa, Sofía Mendiondo, Iker Oiz (Kontuka), Andrea Ganuza, Idoia Gesta Arriazu, Mireya Martín Larumbe, Maite Redondo Gaztelu, María Jiménez Moreno, Oihane Mcguinness Armendariz, Pedro Marco Landa, David Mutiloa.

Hitzordu bereziak

Mentoretza kolektiboak |13 Osteguna | 10:00 – 13:00

Oier Etxeberria – 8 pertsoneko edukiera –Izen ematea hemen Artista, musikaria eta komisarioa. Bere lana errealitatea osatzen duten zentzu-esparruak neurtzeko eta zalantzan jartzeko tresna gisa ulertzen da, eta era askotako gaiez arduratzen da, hala nola gorespenaz, matematika ilustratuaz edo Jesusen Lagundiaren artxibo filmikoez. Artxibo horien edo beste batzuen ondare ikonografikoarekiko harremana artistak une bakoitzerako garatzen dituen erritmo, egitura morfologiko eta sekuentzialetatik abiatuta ezartzen da. Beraz, "analisia" edo "berrirakurketa" baino, "ihesa" eta "kontrapuntua" formulazio egokiagoak izango lirateke hasitako ikerketei aurre egiteko moduaz hitz egiteko. Bere erakusketen artean daude: LaLana (2011), Pure data (hamar) (2013) edo Visita y anatomía de la cabeza del Padre Laburu (2019). Bestalde, komisario gisa, Patatak eta Gauzak erakusketa-proiektuak egin ditu. Lurpeko istorioak (Cristina Enea Fundazioa), Zenbat lur behar du gizon batek? (Marc Badalekin batera. Cristina Enea Fundazioa), Cybernetics of the poor (Diedrich Diederichsen, Tabakalera – Kunsthalle View), Komunikazio Inkomunikazio (Tabakalera) edo Evil Eye: optikaren eta balistikaren historia paraleloa (Ana Teixeira Pinto eta Germán Labradorrekin batera, Tabakalera).

Ixchel Ledesma– 8 pertsoneko edukiera –Izen ematea hemen Arte-aholkularia, diseinatzailea eta komisario independentea, Espainia eta Mexiko artean bizi eta lan egiten du. Bere ikerketak migrazioari, feminismoari, ikusgarritasunari eta espazioari buruzko politikei heltzen die. Ledesmak interesa du generoaren kontzeptu bitarrak zalantzan jartzen dituzten eta gorputzen eta espazioen arteko botere-dinamika alternatiboak proposatzen dituzten erakusketak egiteko. Bere gai interesgarriak artearen, artisautzaren, modaren eta diseinuaren arteko elkarrizketa dira, ehungintzan eta bitxigintzan arreta berezia jarriz. Gaur egun, bilduma pribatuen aholkularia da Mexikon, Londresen eta Buenos Airesen. Łódźeko Tapizaren Nazioarteko XVI. Hirurtekoa epaimahaikide izan zen. Gaur egun, Avalokita elkarte zibileko zuzendarikidea da Mexiko Hirian, eta EMRAren sortzaileetako bat ere bada, artisau-diseinuaren bidez emakumeak ahalduntzeko proiektu bat. Besteak beste, Argentinan, Txilen, Kanadan, Mexikon eta Espainian erakusketak egin ditu.

David Armengol – 8 pertsoneko edukiera – Izen ematea hemen Erakusketen komisarioa da eta 2021az geroztik Bartzelonan dagoen La Capella-ren, proiektuen sorkuntza deialdi baten bidez suspertzen ari den eta zehaztua dagoen artera dedikatzen den zentroa, zuzendaritza artistikoaz arduratzen da. Komisario bezala Caixaforum Bartzelona, Matadero Madril, Lleidako Centre d'Art La Panera edo Bartzelonako Fundació Joan Miró espazioetan egin du lan. 2019an Veneziako Bienaleko 58. edizioko Uruguaiko Pabiloiko komisarioetako bat izan zen. 2021ean Arte emergente: la cosecha y el viaje liburua argitaratu zuen, Katalunian 90eko hamarkada eta gaur egun artean suspertzen ari den artearen inguruko erradiografia

Lantegia "Ser contenido, ser estructura" | 13 Osteguna |16:30 – 18:30 | Izen ematea hemen

David Armengol – 15 pertsoneko edukieraSer contenido, ser esructura testuinguru zehatz bakoitzean, bertakoa, estatu-mailakoa nahiz nazioartekoa, ikusizko arteen inguruan existitzen diren laguntza publiko eta pribatuen sistemen erabilera bidez praktika artistiko bat garatzeko nahian eta beharrean zentratzen den tailerra da. Topaketa eduki propioak (artistak, komisarioak, bitartekariak, ikerlariak) sortzen dituzten pertsonei bideratua dago, baina baita aukera horiek existitzeko egitura edo euskarri sare instituzionala sentitzen diren pertsona horiei ere.

Parte hartzaileen artean konpartituko den deialdien eta baliabideen hasierako mapa bat egitean oinarritzen da dinamika, eta horrela ekosistema artistiko bat eusten duten zatien artean – ez kontrakoak, konplizeak baizik – ahalik eta elkarrizketarik emankorrena sortzea lortzen da. Tailerra hitzan, idazketan eta mugimenduan dagoen irudian oinarritzen da, eta hierarkizatu gabeko eta artearentzat nahi ditugun eszenatokiekin amets egiteko egokia den espazio-denbora bezala azaltzen da.

Erakusketen komisarioa da eta 2021az geroztik Bartzelonan dagoen La Capella-ren, proiektuen sorkuntza deialdi baten bidez suspertzen ari den eta zehaztua dagoen artera dedikatzen den zentroa, zuzendaritza artistikoaz arduratzen da. Komisario bezala Caixaforum Bartzelona, Matadero Madril, Lleidako Centre d'Art La Panera edo Bartzelonako Fundació Joan Miró espazioetan egin du lan. 2019an Veneziako Bienaleko 58. edizioko Uruguaiko Pabiloiko komisarioetako bat izan zen. 2021ean Arte emergente: la cosecha y el viaje liburua argitaratu zuen, Katalunian 90eko hamarkada eta gaur egun artean suspertzen ari den artearen inguruko erradiografia

Lantegia "Salir al encuentro" |14 Ostirala | 12:30 | Izen ematea hemen

dpvillanueva eta Lara Molina – 15 pertsoneko edukiera

"Salir al encuentro" egoiliarren artean topaketa bat egiteko gonbidapenetik abiatuta, ERRAIAK programaren azken edizioa markatu duten galdera batzuen bidez giatzen gara tailer honetan: zerk mugitzen gaitu elkarrekin egiteko orduan? Paseatzearen praktikatik abiatuta, entzute kolektiboaren, pertsonen eta haien ingurunearen arteko topaketa bezala ulertua, ariketa ezberdinak proposatzen ditugu, gure egiteko moduak zertaz eginak dauden gure "barrutik" begiratzeko, baita guri behatzean kanpoan mugitzen den hori ere, elkarrekin, ekosistema bat bezala.

Gure interes amankomunengatik askotan bat egin dugu alderdi profesionalean eta pertsonalean, aunitzetan berdina izaten amaitu duena: elkarrekin bizi izan gara, ERRAIAK proiektuan kolaboratu dugu adibidez, aldendu gara, artistikoan berriz elkar topatu dugu… gure bizipen queer-etatik elkar entzuteko eta eusteko beharrarekin ia beti.

dpvillanueva Londresen, Salzburgon eta Madrilen bizi izan da eta 2017az geroztik Nafarroan. Gorputzarekin egiten du lan koreografia-eremuan. Koreografia ikerketa eta dantzari buruzko hausnarketa teorikoen testuinguruetan parte hartu du. Bertze koreografoentzat dantza egin du eta bertzeen garapen kontzeptual eta formaletara joan da. Bere lan propioan eta bere ikerketa prozesuetan idazketa eta argazkigintza erabiltzen ditu, baita zentzumen-pertzepzioaren esperientzia ere, mugimendua garatzeko eta koreografia osatzeko. 1999an free party eta Londreseko Reclaim the streets sistemaren aurkako protestarekin konektatu zuen, non dantza garaikidean prestatzen zihoan bitartean etxe okupatuetan bizi izan zen eta Rave-an parte hartu zuen.

Lara Molina kultura-ekoizlea da. Bruselako Espainiako enbaxada bezalako erakundeetan, Europako Batzordeko Europa Creativa programan edo Uharteko Arte Garaikideko Zentroan egin du lan. 2022an Stockholmeko Royal Art Instituden master ondoko Collective Practices: Symbiotic Organizations ikasketak egin zituen praktika kolektiboei eta kultura-ekologiei buruz. 2019az geroztik ERRAIAK bitartekaritza programa garatzen dabil eta bere fundaziotik proiektuetan eta La Zurda eta plazeratu.klub bezalako lan-talde kolektiboetan parte hartzen du.