Bilbon dagoen museoa eta Barakaldon dagoen enpresa baino gehiago, izan zitezkeenMadrilen eta Vallecasen dauden erakunde bi, hizkuntzaren erabilpenari begiratuz gero.

Gainera, ekitaldia etxerako diseinuak aldaketa klimatikoak eragiten dituzten arazoak konpontzeko lehiaketa baten sari banaketa zenez, pentsatu nuen kontzientziazio ariketa polita izan zitekeela munduko kultura guztien biziraupenean ere hausnartzea. Biodibertsitatearen desagerpena agerikoa den momentuan, kultur aniztasunaren desagerpenari arreta jartzeak ere ez dirudi hain tokiz kanpokoa. Hala ere, arreta pizteko modukoa da Euskal Herrian dagoen kulturaren multinazionala den Guggenheim Museoa eta altzarigintzaren multinazionala den Barakaldoko enpresahain kezkatuta egotea klima aldaketarekin, batez ere lehenak jasotzen dituen turismoarekin, masifikazioak karbono arrasto izugarria uzten duenean, eta besteak saltzen dituen produktu asko Txinan eginda daudenean, horrek baldintza ekologikoen gainean sortzen dituen zalantzekin. Guztiok ditugu kontraesanak eta horregatik eskertzekoa daHome for our planet bezalako ekimen bat; zeinakunibertsitateko eta diseinu eskoletako ikasleekinlantzen baititu klima aldaketaren aurrean etxeko tresnetan diseinuak ekarri ditzakeen konponbideak. Espero dut greenwashing delako hutsean ez geratzea.

Hasierako gairabueltatuta, ez dakit horrelako ekitalditan euskararen presentziak zein izan behar duen, ingelesa edo suediera erabili balitz hobeto kalkulatuko nuke, baina gaztelania besterik erabili ez zenez, egun on eta ongi etorri baino zerbait gehiago eskatuko nuke, edo, hobeto esanda, eskertuko nuke (Donostiako Zinemaldian zerbait lortu bada, ez da ezinezko ahalegina izango). Azkenean ez da nahikoa Euskal Herriko museotako paisaia idatzia bi hizkuntzetan egotea, aurrerapausoak eskatzeko garaian gaude, Euskaraldiak irauten duen 10 egunetan behintzat. Euskararen erabilpenaren ohiturak aldatzeko garaia bada, alda ditzagun artearen munduan dauden ohiturak, eta ahaleginak egin ditzagun euskara presente egon dadin artearekin harremana duen edozein ekitalditan, aspalditik dakigulako euskara ere arteaz eta artean aritzeko hizkuntza dela. Baita diseinuan ere.